إتصل بنا أسألة متكررة تخطى المعوقات خدماتنا نبذة عنا الصفحة الرئيسية

تخطى المعوقات

السينما المنزلية ممكن تكون مرة مكلفة, بس مش بالضرورة.
تخصيص غرفة كاملة للسينما المنزلية – مع إنه الوضع المثالي- لكن ماهو الطريقة الوحيدة إنك تستمع بنظام ترفيه إحترافي.
 

كيف نقدر نساعدك؟
لما تفكر فنظام ترفيه أو سينما منزلية, عادة تيدأ تفكر فالصعوبات اللي ممكن تجي معاه. الصعوبات مختلفة وتبدأ من تكلفة النظام إلى عدم معرفة التقنيات اللي تجي معاه. في إتش إي إس (HES) فكرنا كيف ممكن نساعدك فتسهيل هالصعوبات اللي ممكن تجي على بالك. القسم الجاي يتكلم عن المعوقات اللي عادة الواحد يفكر فيها و كيف ممكن إتش إي إس (HES) تساعدك فتسهيلها.

التكلفة المرتفعة

من المعلومات المغلوطة والمنتشرة إن السينما المنزلية تكلفتها عالية. يمكن قبل كم سنة, هذا الكلام كان صحيح بس اللآن إختلف الوضع. تقدم تقنيات العرض فالسنوات الأخيرة, خلى منتجات السينما المنزلية تقدر تعطي صوت وصورة بجودة قريبة من السينما الحقيقية وبكلفة معقولة. السينما المنزلية ممكن تكون مرة مكلفة, بس مش بالضرورة.

عادة غرفة الميشة يكون فيها تلفزيون, دش, جهاز فيديو, مشغل دي في دي, مشفل بلو راي, مشغل ألعاب فيديو, ستيريو, و إحاطة صوتية. لو حسبت تكاليف هالأجزاء مع بعض رح يكون المجموع قريب من تكلفة نظام ترفيه منزلي متكامل وبدون أي مميزاته.

الأغلى ماهو دايما الأفضل. إنك تختار أجزاء السينما المنزلية اللي سعرها مرتفع, ما يضمن إنك تحصل على أفضل سنما منزلية. هنا إتش إي إس (HES) تقدر تساعد. بخبرتنا فمنتجات السينما المنزلية صممنا و جربنا ثلاثة باقات جبارة بحيث تراعي الميزانيات المختلفة اللي الشخص يبغى يستثمرها فسينماه المنزلية. لمعلومات أكثر عن تكاليف النظام شوف قسم كم رح يكلفني.

نقص المعلوماتb>

صعب انت تواكب تقنيات الصوت والصورة أول بأول اذا ماكان هذا تخصصك. معظم الناس اليوم بعدهم يحاولوا يتعلموا كيف يستخدموا ميزات الأجهزة اللي اشتروها فالكم سنة اللي راحوا. فما بالك بمعرفة قدرات وميزات أجهزة الترفيه المنزلي اللي تتغير بسرعة. حتى أرباب البيوت اللي نجحوا فتركيب سينما منزلية بنفسهم غالبا ما يستغلوا قدرات النظام الكاملة لانهم ببساطة مايعرفوها.

إتش إي إس (HES) بتريحك من هذا كله. مافي داعي تعيد اختراع العجلة وتدور أفضل قيمة لكل جهاز ترفيه تشتريه. هذي شغلتنا, ونشتغلها بجدارة . إحنا نبحث بشكل مستمر عن المنتجات الجديدة ونقارن أسعارها بميزاتها وجودتها. من خبرتنا نعرف الميزات المهمة للسينما المنزلية و نختار الأجزاء بعناية لأيصالك لقمة الترفيه المنزلي.

صعوبة الإستخدام

أنظمة الترفيه المنزلي تعطيك ميزات وخواص كثيرة ممكن بعض المستخدمين يلاقوا صعوبة فحفظها. وطبعا كتيبات الارشادات اللي تجي مع الأجهزة يبغالها كتيب ثاني عشان يشرحلك كيف تستخدمها اذا ماكنت متخصص. للأسف هذا الشي يخلي بعض أرباب البيوت يترددوا فتركيب نظام ترفيه متكامل.

طريقة إتش إي إس (HES) أن أنظمة الترفيه تكون للكل, بغض النظر اذا كنت مطلع على تقنيات السينما المنزلية أو لأ. مع باقاتنا نقدم جهاز ريموت كونترول موحد وذكي يتحكم في كل النظام. بضغطة وحدة بس كل الأجهزة رح تشتغل وبشكل تلقائي تختار الاعدادات الصحيحة عشان تبدأ تستمتع بالأفلام أو ألعاب الفيديو. حسب الباقة اللي رح تختارها, فريقنا بيمشي معاك على كل خواص النظام الأساسية. بالأضافة إلى كتيب تعليمات سهل ومبسط لتذكيرك بأهم إعدادات النظام. وطبعا فريقنا جاهز لإجابة أي استفسارات تواجهك أثناء الاستخدام.

ماعندك مكان كافي؟

تخصيص غرفة كاملة (مثل القبو) للسينما المنزلية هو الوضع المثالي. تخليك تصمم الغرفة حول جو السينما وتقدر تحط كراسي سينمائية وإضائة خاصة وغيرها. بس هذا الحل يحتاج جهد وتكلفة أعلى.

تخصيص غرفة كاملة للسينما المنزلية – مع إنه الوضع المثالي- لكن ماهو الطريقة الوحيدة إنك تستمع بنظام ترفيه إحترافي. الحقيقة ان معظم ارباب البيوت يفضلوا ان السينما المنزلية ماتكون في غرفة مخصصة. هذا اللي كان فبالنا لمن صممنا الباقات.مثلا شاشة البروجكتر ااي اخترناها تنسحب للأسفل تخليك تقدر تحط تلفزيون وراها اذا كنت تبغى تلفزيون وبرجكتر فنفس الغرفة.

تحدي الكيابل

أفضل وقت لتمديدات السينما المنزلية هو وقت التشطيب بحيث تكون الأسلم مخفية. هذي الطريقة تعطيك مرونة كبيرة فتصميم النظام ومواقع السماعات. لكن على أرض الواقع فأغلب الأحيان هذا غير ممكن لأن السينما رح تركب فغرفة جاهزة.
زيما تخصيص غرفة للسينما هوالوضع المثالي، نفس الشي وقت التشطيب هو الأمثل  لتمديدات السينما المنزلية. بس مو شرط! فريقنا المتخصص في التمديدات رح يضمن انو التمديدات كلها مخفية. طريقتنا ماهي بس انو نقدم لك أفضل صوت وصورة فالسينما المنزلية, بل تشمل التأكد من أن النظام مركب بطريقة محترفة تعجبك.



Image 1 Image 2 Image 3